“Чадварлаг – Монгол хүн” хөтөлбөр Орхон аймагт хэрэгжинэ

Аймгийн Засаг дарга С.Батжаргалын санаачилгаар “Чадварлаг – Монгол хүн” хөтөлбөр Орхон аймагт хэрэгжиж эхлэхээр өнөөдөр хамтын ажиллагааны санамж бичигт гарын үсэг зурлаа. 

        ОУ-ын мэргэжлийн хөгжлийн институтын захирал, хүний нөөцийн аудитор Б.Батгэрэлтэй хамтран аймгийн хэмжээнд төрийн албан хаагч, мэргэжилтэнүүд, ИТА ажилчид, эмэгтэйчүүд, ахмадууд, хүүхэд залуус гэсэн нийт 6 бүлэгт хүний нөөцийн хөгжил буюу хувь хүний хөгжлийн сургалт, мэдээ мэдээлэл, соёл гэгээрлийн ажлууд хийгдэх ажээ. 

     Ингэхдээ Орхон аймагт хэрэгжиж буй хөтөлбөрүүдтэй уялдуулан хэрэгжүүлнэ гэдгийг албаныхан хэлж байлаа. 

Хөтөлбөрийн хүрээнд анхлан төрийн албан хаагчдад “оюуны элч” сургалтыг явуулах бөгөөд цаашлаад Монгол улсын хэмжээнд Орхон аймгийн төрийн албан хаагчид уг хөтөлбөрт түүчээлэн ажиллах болно гэдгийг онцоллоо.