Аймгийн Засаг даргын шуурхай хуралдаан боллоо

 Энэ долоо хоногийн аймгийн Засаг даргын шуурхай хуралдаан болж, хуралдааныг Засаг дарга С.Батжаргал удирдан явууллаа. Хуралдааны эхэнд аймгийн Тамгын газрын ХШҮДАХ-ийн дарга  М.Жанболат өнгөрсөн долоо хоногийн шуурхай хуралдаанаар өгсөн үүрэг даалгаврын биелэлтийг танилцууллаа. Хуралдаанаар өнгөрсөн долоо хоногийн шуурхай хуралдаанаар өгсөн үүрэг даалгаврын биелэлтийг танилцуулж, газар хэлтсийн удирдлагууд  өнгөрсөн долоо хоногт хийж гүйцэтгэсэн ажлаа тайлагналаа.

   Өнгөрсөн долоо хоногийн шуурхай дээр Эрдэнэт цэцэрлэгт хүрээлэн иргэд нийтийн биеийн тамир, спортоор хичээллэх нөхцөл боломжоор хангах тухай асуудал яригдсан. Тус цэцэрлэгт хүрээлэнгийн ашиглалтын өмнөх захиргааны зүгээс “Илүүдэл жингүй-Эртэч Монгол” аяны хүрээнд нийт иргэддээ биеийн тамир, спортоор хичээллэх боломжийг нээж хөл бөмбөг, сагсан бөмбөгийн талбайг өдөр бүр өглөөний 06:00-08:00 цаг хүртэл нээлттэй ажиллуулж  байна.

   ХБТХОХ-т /Хөгжлийн бодлого төлөвлөлт, хөрөнгө оруулалтын хэлтэс/ энэ онд хийгдэх инженерийн шугам сүлжээ цаашид хаана ямар ажил хийхээр төлөвлөж байгаатай холбоотой мэдээллийг иргэдэд тогтмол хүргэх ажлыг зохион байгуулахыг үүрэг болгосон.  2022 онд улсын болон орон нутгийн төсвийн хөрөнгө оруулалтаар Уртын гол багт барих орон сууцны байрнуудыг халаалт цэвэр усаар хангах УДДТ гадна инженерийн шугам сүлжээ, Эрдэнэтийн дулааны цахилгаан станцаас өргөх станц хүртэл дулааны шугам өргөтгөж барих төв дулааны шугам, Цагаанчулуут багийн өргөх насос станцаас Наран багийн ус дамжуулах төв хүртэл дулааны шугамыг өргөтгөх 1.75 км сувагт дулааны  цэвэр усны шугам, Говил багийн инженерийн шугам сүлжээ, Уртын гол багт барих инженерийн шугам сүлжээ, Өмнөдийн дэд өртөөний өргөтгөл барих ажлуудын талаарх мэдээллийг иргэдэд хүргэжээ. Энэ сарын 18-наас мал амьтны гоц халдварт, шүлхий өвчнөөс урьдчилан сэргийлэх зорилгоор улсын хэмжээнд нэгдсэн журмаар дархлаажуулалтын ажлыг эхлүүлсэн.

   Энэхүү ажлын хүрээнд аймгийн Засаг даргын А/115 дугаар захирамж, сумдын Засаг даргын захирамжаар 7 чиглэлд ажлын хэсэг гаран вакцинжуулалтын ажлыг хийж гүйцэтгэж байна.