Гэрэлтүүлгийн ажил гүйцэтгэх ААН-үүдтэй уулзлаа

Аймаг, орон нутгийн хөрөнгө оруулалтаар Баян-Өндөр суманд гэрэлтүүлгийн ажил хийхээр шалгарсан аж ахуйн нэгжийн төлөөлөлтэй ажлын хэсэг уулзаж, санал солилцлоо.

Энэ онд Баян-Өндөр суманд аймгийн хөрөнгө оруулалтаар 5, Орон нутгийн сангийн хөрөнгө оруулалтаар 7 ажлыг хийж гүйцэтгэх юм. Ирэх оноос гэрэлтүүлгийн нэгдсэн систем буюу гэрэлтүүлэг бүрийг удирдах зорилтыг  дэвшүүлсэн.

Уг зорилтод хүрэхийн тулд аж ахуйн нэгжүүдэд чанарын өндөр төвшинд ажил гүйцэтгэх, өнгө, чанар үзүүлэлтээрээ нэг төрлийн гэрэл байх шаардлагатайг хотын Захирагчийн албаны мэргэжилтэн А.Тулгабаатар энэ үеэр онцлов.

Өмнөх жилүүдэд гэрэлтүүлгийн ажлыг гаднын аж ахуйн нэгжүүд  гүйцэтгэсэн. Гэрэлтүүлгийн баталгаат хугацаа гурван жил байх ёстой ч энэ хугацаандаа хүрэлгүй эвдрэх, гэмтэх зэрэг асуудал үүссэн байна.

Өөрөөр хэлбэл, ажил гүйцэтгээд дууссаны дараа хариуцах эзэнгүйддэг хүндрэл багагүй гарчээ.

Харин энэ жил орон нутагтаа үйл ажиллагаа явуулж буй аж ахуйн нэгжүүд  шалгарснаар нэгдэж хамтарч ажиллах, хариуцах эзэнтэй байх гээд олон давуу талтай гэж харж байна. 

                                                                                                                                              Мэдээлллийн төв