БЭЛТГЭЛ БОЛОН ЧӨЛӨӨНД БАЙГАА АХМАДУУДАА ШАГНАЖ УРАМШУУЛЛАА

  Энэ жил “Монгол цэргийн өдөр” Зэвсэгт хүчний 101 жилийн ой, Халхын голын 1939 оны байлдааны ялалтын 83 жилийн ой тохиож байна. 

   Ойн хүрээнд Орхон аймаг Эрдэнэт хотод ажиллаж, амьдарч байгаа  бэлтгэл  болон чөлөөнд байгаа ахмадууддаа хүндэтгэл үзүүлж төрийн болон аймаг орон нутгийн шагналаар шагнаж урамшууллаа. 

    Цэргийн гавьяаны улаан тугийн одон 1, Зэвсэгт хүчний 100 жилийн ойн медаль 10 , аймгийн ИТХ-ын иргэний төлөө медаль 1, ИТХ-ын жуух бичиг 3, Орхон аймгийн хүндэт тэмдэг 2, аймгийн Засаг даргын жуух бичгээр 8 нийт 25 хүн шагнагдлаа. 

   Мөн Монгол цэрэг НҮБ-ын энхийг сахиулах ажиллагаанд оролцож эхэлсний 20 жилийн ойг тохиолдуулан аймгийн ЕБС-ийн ахлах, дунд ангийн сурагчдын дунд зохион байгуулсан  гар зургийн болон эссе бичлэгийн уралдаанд оролцож тэргүүн байр эзэлсэн сурагчдад шагналыг гардуулан өглөө. 

    Тус үйл ажиллагаанд аймгийн Засаг дарга С.Батжаргал, Монгол цэргийн холбооны Орхон аймаг дахь салбар холбооны нарийн бичгийн дарга хурандаа Г.Батсуурь, Цэргийн штабын дарга дэд хурандаа Оюунтүлхүүр нар оролцлоо.  

Мэдээллийн төв