“Стратегийн баримжаатай хүний нөөцийн удирдлага” сургалт зохион байгуулагдлаа

Монгол Улсын Төрийн албаны зөвлөлөөс 2022 оны 03 дугаар сарын 4-6-ны өдрүүдэд Аймаг, нийслэл дэх Төрийн албаны зөвлөлийн салбар зөвлөлийн Нарийн бичгийн дарга нарт зориулсан “Стратегийн баримжаатай хүний нөөцийн удирдлага” сэдэвт арга зүйн нэгдсэн сургалт зохион байгууллаа. 

       Сургалтад төрийн албаны хүний нөөцийн стратеги ба менежмент /Төрийн албаны зөвлөлийн гишүүн С.Цэдэндамба, Ажлын албаны даргын албан үүргийг түр орлон гүйцэтгэгч Ж.Эрдэнэбат, Төслийн үндэсний зөвлөх Б.Амарсанаа/, хүний нөөц бүрдүүлэлт, төрийн албаны сонгон шалгаруулалт / Төрийн албаны зөвлөлийн гишүүн Д.Баатарсайхан, Төслийн үндэсний зөвлөх Л.Шинэцэцэг/, Ажлын бүлэглэл, төрөлжилтийн тухай/ Төслийн үндэсний зөвлөх Ц.Мөнхтуяа/, Гүйцэтгэлийн удирдлага-цогц чадамж / Төрийн албаны зөвлөлийн гишүүн Ц.Амартөгс, Төслийн үндэсний зөвлөх Л.Шинэцэцэг/, Хүний нөөцийн бодлогын хэрэгжилт өнөөгийн байдал/ Төрийн албаны зөвлөлийн гишүүн Б.Идэрчулуун, Төслийн үндэсний зөвлөх Б.Амарсанаа/, Хүний нөөцийн аудит, аудит хийх арга зүй, ач холбогдол / Төрийн албаны зөвлөлийн гишүүн С.Цэдэндамба, Төслийн үндэсний зөвлөх Ш.Зулцэцэг/, Албан тушаалын тодорхойлолтыг цахимжуулах нь/ ХНУАГ-ын ахлах шинжээч Д.Нармандах/, карьер хөгжлийн онол арга зүйн асуудлаар гадаад, дотоодын мэргэжилтнүүд сургалтыг хөтлөн явуулсан.

         Сургалтын үеэр  төрийн жинхэнэ албан хаагчийг өөр албан тушаалд шилжүүлэх, сэлгэн ажиллуулах журамд зөвлөмж гаргахаар бэлтгэж байгаа байгаа энэ зөвлөмжийн хэлэлцүүлгийг зохион байгуулж саналыг авсан. Уг зөвлөмжөөр төрийн байгууллага хооронд адил төрлийн / удирдах, гүйцэтгэх, туслах/ албан тушаалын ангилал/ тэргүүн, эрхэлсэн, ахлах, дэс, туслах түшмэл/ дотор зэрэглэл харгалзахгүй албан тушаалын тодорхойлолтод заасан тусгай шаардлагыг хангаж буй тохиолдолд шилжүүлэн ажиллуулах, ерөнхий шалгалтын нөөц бүрдүүлэлтийг уян хатан болгох зэрэг өөрчлөлт орохоор хэлэлцлээ.

     Мөн  төрийн захиргааны байгууллагын төсвийн шууд захирагчийн албан тушаалд хооронд нь шилжүүлэх, сэлгэн ажиллуулахаар тусгасан. Ажлын зайлшгүй шаардлагыг харгалзан байгууллага дотроо шилжүүлэн ажиллуулах тохиодолд төсвийн шууд захирагч эрх мэдлийнхээ хүрээнд шийдвэрлэхээр оруулсан.

         Албан тушаалын тодорхойлолтыг цахимжуулан зөвхөн албан байгууллагын чиг үүрэг нь өөрчлөгдсөн үед шинээр АТТ үүсгэх боломжтой болгож байгаа бөгөөд ТАЗ руу батлуулахаар ТАСЗ илгээн хянуулан зөвшөөрөл авах цахим системийг хөгжүүлэхээр бэлтгэл хангаж байгаа талаар дэлгэрэнгүй мэдээлэл өгсөн. 

      Мөн Хүний нөөцийн аудит хийхдээ урьдчилан үзэх танилцах баримт бичгийн жагсаалтыг тухайн аудит хийх байгууллагадаа  хүргүүлнэ. Ингээд цуглуулсан баримт бичигт үнэлгээ хийн тайлагнана.

        Хүний нөөцийн аудит хийхдээ хувь хүний мэдлэг, боловсрол, мэргэжил, мэргэшил, ур чадвар, туршлага, сонгон шалгаруулалт, томилох, чөлөөлөх шийдвэрүүд, ажлын гүйцэтгэлийг үнэлэх, албан тушаал дэвшүүлэх, шагнаж урамшуулсан байдалд аудит хийх талаар олон улсын туршлагаар мэдээлэл өгч, мэргэжил арга зүйн зөвлөмж өгсөн  сургалт боллоо.

Хүний нөөцийн удирдлагын шинэ ур чадвар эзэмшүүлэх, хамтын ажиллагааг өргөжүүлэх, сайн туршлагаасаа хуваалцах зорилготой энэхүү сургалтыг Төрийн албаны зөвлөл,  НҮБ-ын Хөгжлийн хөтөлбөрийн “Монгол улсад мэргэжлийн иргэн төвтэй төрийн албыг төлөвшүүлэх нь” төсөл хамтран зохион байгуулсан юм. 

ТӨРИЙН АЛБАНЫ ОРХОН АЙМАГ ДАХЬ САЛБАР ЗӨВЛӨЛ