"EARTH" YOUTH LEADERSHIP PROGRAM - "Эх дэлхий" залуучуудын манлайллын хөтөлбөр хэрэгжинэ

 Эх дэлхийн цаг буюу “Earth Hour” арга хэмжээг Орхон аймагт зохион байгуулах ажлын хүрээнд Орхон аймгийн ЗДТГ, БОАЖГ, СГСГЗ хамтран  16-20 насны залуучуудад зориулсан "EARTH" YOUTH LEADERSHIP PROGRAM - "Эх дэлхий" залуучуудын манлайллын хөтөлбөрийг хэрэгжүүлэхээр ажиллаж байна. 

         Уг хөтөлбөр нь уур амьсгалын өөрчлөлттэй тэмцэхэд хувь хүн бүр хэрхэн оролцох, ямар дадал хэвшлийг бий болгох, гэр, бүл найз нөхдөдөө хэрхэн нөлөөлөх, байгаль орчныг хамгаалахын тулд юуг анхаарах талаар цогц мэдлэг, мэдээлэл өгөх юм. Мөн хувь хүний хөгжил, манлайллын ур чадвар, төсөл хэрхэн бичих талаар 14 хоногийн турш суралцаж, багт хуваагдан байгаль орчны бичил төслийг 1 сарын хугацаанд хэрэгжүүлнэ.  Суралцах хугацаандаа Эрдэнэт үйлдвэр ТӨҮГ-тай танилцах аялал хийнэ.

       Хөтөлбөрийн анкетыг 2022 оны 03-р сарын 16-ны 22:00 цаг хүртэл хүлээн авах ба эхний шатанд тэнцсэн хүүхдүүдээс утсаар ярилцлага авч 2022 оны 03-р сарын 18-ны өдөр шалгарсан 20 оролцогчид утас, и-мэйлээр мэдэгдэх болно. 

       Хөтөлбөр 2022.03.21-нд эхлэх бөгөөд 2022.04.03-нд дуусч, байгаль орчны бичил төслийг 2022 оны 05-р сарын 06 хүртэл хэрэгжүүлнэ. Өдөр бүр 17:00-18:00 цагийн хооронд танхимаар хичээллэх ажээ. 

Хөтөлбөрийн талаар асууж лавлах утас: 77362536, 99903281