ЭНЭ ЖИЛ ХОЁР БАЙРШИЛД АВТО ЗАМЫН УУЛЗВАРЫГ ӨРГӨТГӨНӨ

Энэ жил хотын төвд 2 байршилд авто замын уулзварын өргөтгөл шинэчлэлт, 4 байршилд авто замын өргөтгөлийн ажил хийгдэнэ. 

      Тодруулбал: Чандмань төвийн уулзвар буюу Эрх чөлөөний гудамжны уулзвар, захиргааны 4-р байрны уулзвар буюу Орхоны гудамжны уулзварыг тус тус өргөтгөнө. Уулзварыг өргөтгөх зураг төсвийн ажлыг 4 тэнхлэг ХХК гүйцэтгэж байгаа бөгөөд ирэх гуравдугаар сард багтаан дуусгах юм. 

       Эхний ээлжинд тус ажлыг гүйцэтгэхэд тус бүр 400 сая төгрөгийн төсөв төлөвлөсөн байгаа бөгөөд дараа дараагийн санхүүжилтыг зураг төсөв бэлэн болсон үед шийдвэрлэх ажээ. 

         Дээрх уулзваруудыг өргөтгөснөөр гэрлэн дохиотой, авто замын тэмдэг тэмдэглэгээтэй болж, замын нэвтрэх чадвар сайжрах, замын хөдөлгөөний аюулгүй байдал хангагдана гэдгийг мэргэжлийн байгууллагууд дүгнэжээ. 

Тус ажлын дагуу өнөөдөр Засаг дарга С.Батжаргал холбогдох албаныхантай уулзаж дараах үүрэг чиглэлийг өглөө.  

1. Уулзвар өргөтгөхийн тулд ногоон байгууламжууд ихээр сүйдэх эрсдэлтэй. Иймд ажил эхлэхээс өмнө ногоон байгууламжуудыг нүүлгэн шилжүүлэх. 

2. Газар доорх байгууламжууд болох ИШС, Холбооны шугамд гэмтэл учруулах эрсдэл гаргахгүй байх. 

3. Өргөтгөх ажил хийгдэх үед замын хөдөлгөөний хэвийн үйл ажиллагааг хангаж хаагуур, хэрхэн зорчих талаар иргэдэд мэдээлэл хүргэх. 

4. Орчин үеийн хотуудын замын хөдлөгөөнтэй холбоотой шинэлэг шийдлүүдийг судлах

5. Ажил гүйцэтгэх үед график хугацаанд нь чанартай хийлгэх, хяналтг сайн тавих.