ТӨРИЙН ДЭЭД ОДОН МЕДАЛЬ ГАРДУУЛЛАА

Монгол улсын ерөнхийлөгчийн зарлигаар Уул уурхай, Эрчим хүч, Зам тээвэр, Төр захиргаа, Хөнгөн үйлдвэр болон бусад салбарт олон жил үр бүтээлтэй ажиллаж, өндөр амжилт гаргасан Орхон аймгийн иргэдэд төрийн дээд одон медаль гардууллаа. 

      Тодруулбал: Төрийн байгууллагын албан хаагчид, “Эрдэнэт Үйлдвэр” ТӨҮГ-ын ажилчид,  Энэ жил 25 жилийн ой нь тохиож буй Америк Монголын хамтарсан “Эрдмин” ХХК-ийн төлөөллүүд,  аймгийн ахмад настнуудын төлөөлөл 40-өөд иргэд салбарын болон төрийн дээд одон медалиар шагнагдлаа. 

      Шагналыг УИХ-ын гишүүн Д.Батлут, аймгийн Засаг дарга С.Батжаргал нар гардуулсан бөгөөд 25 жилийн ой нь тохиож буй “Эрдмин” ХХК-ийн хамт олонд аймаг орон нутгийн удирдлагуудын зүгээс хүндэтгэл үзүүллээ.