ГҮЙЛТИЙН ЦАНЫН АЙМГИЙН АВАРГА ШАЛГАРУУЛАХ ТЭМЦЭЭН БОЛЛОО

Өвлийн  спортыг хөгжүүлэх, сурталчилах зорилгоор Орхон аймгийн хэмжээнд  “Өвлийн спортыг хөгжүүлэх” хөтөлбөрийг батлуулсан. 

        Хөтөлбөрийн хүрээнд энэ жил “Эрдэнэт Мөнгөн өвөл – 2022” аяныг зохион байгуулж байна.  Тус аян гүйлтийн цанын өсвөр үе, насанд хүрэгчдийн аймгийн аварга шалгаруулах нээлттэй тэмцээнээр  энэ сарын 10, 11-ний өдрүүдэд “Сархиа” цанын баазад зохион байгуулагдлаа. 

          Тус тэмцээнд Орхон, Булган, Дархан, Төв аймгийн зэвсэгт хүчний 186-р анги, алдар спорт хороо зэрэг  6 багийн 78 нь тамирчин оролцож ,өсвөрийн 5 насны ангилалд, насанд хүрэгчдийн 2 ангилалд тус тус оролцлоо.

          Цаашид өвлийн спортын зам, дэд бүтцийг сайжруулж, багш, дасгалжуулагчдыг  бэлтгэх, улс бүсийн аварга, цаашлаад олон улсын уралдаан тэмцээн зохион байгуулах зорилго тавьсан талаар Засаг дарга С.Батжаргал  онцоллоо.