БОЭТ-Д ШИНЭЭР СУУРЬЛУУЛАГДАЖ БУЙ ЗАРИМ ТОНОГ ТӨХӨӨРӨМЖҮҮДИЙГ ТАНИЛЦУУЛЛАА

Аймгийн Засаг дарга С.Батжаргал өнөөдөр БОЭТ-д ажиллалаа. Энэ үеэр БОЭТ-ийн дарга О.Наран-Эрдэнэ 2021 оноос эхлэн тоног төхөөрөмжийн шинэчлэлт болоод засвар сайжруулалтын ажлууд хангалтай сайн хийгдсэн гэдгийг онцлон хэлж, нийлүүлэгдэж буй зарим тоног төхөөрөмжийг танилцууллаа.

      Тухайлбал аймгийн Засаг даргын үүргийн дагуу “Ковидын дараах сэргээн засах эмчилгээний тасаг”-ийг шинээр тохижуулж үйл ажиллагааг эхлүүлээд байна. Тус тасаг ковидын дараах эмийн болон эмийн бус эмчилгээ хийгдэх үндсэн 2 хэсэгтэй. Эмийн бус эмчилгээ буюу физик эмчилгээний хэсэгт орон нутгийн 30 сая төгрөгийн хөрөнгө оруулалтаар даралтад хүчилтөрөгчийн Барокамера нийлүүлэгджээ.

    Уг тоног төхөөрөмж нь агаарт байгаа хүчилтөрөгчийг тусгай даралтад оруулж дахин боловсруулсан хүчилтөрөгч гаргаж авдаг. Уг хүчил төрөгч нь хүний биеийн бүх эд эсэд нэвтрэн ордог онцлогтой, эмчилгээний дэвшилтэд технологи юм.

       Мөн орон нутгийн 560 сая төгрөгийн хөрөнгө оруулалтаар хэвлийн хөндийн болон уушигны харалтыг хийх, мөчүүдийн зураг авах зориулалттай рентген дижитал аппарат шинээр суурьлуулагдаж байна.

       Аймгийн онцгой комиссын бүрэлдэхүүн, мэргэжлийн байгууллагууд болох Эрүүл мэндийн газар, БОЭТ, ОБГ-уудыг шуурхай мэдээлэл солилцох нөхцөл боломжоор хангалаа. Интернет холболт ашиглан байгаа газраасаа мэдээлэл солилцох боломжтой ухаалаг дэлгэцүүдийг аймгийн онцгой комиссоос шийдвэрлэсэн.

      Ингэснээр “улаан бүс”-д ямар нөхцөл байдалтай байгаа талаар мэдээллийг ч холбогдох байгууллагуудад газар дээрээс нь танилцуулах боломжтой болж байгаа юм.