МӨСНИЙ ШАГАЙН АЙМГИЙН АВАРГА ШАЛГАРУУЛАХ ТЭМЦЭЭН БОЛЖ БАЙНА

“Эрдэнэт Мөнгөн өвөл – 2022” аяны хүрээнд зохион байгуулагдаж буй Орхон аймгийн мөсний шагайн аварга шалгаруулах тэмцээн цэнгэлдэх хүрээлэнд яг одоо болж байна.Тэмцээний нээлтэд аймгийн Засаг даргын орлогч А.Түвшинжаргал, биеийн тамир спортын газрын дарга Дэлгэрбаяр нар оролцлоо. 

       Тус тэмцээнд Хангайн бүсийн 5 аймгийн 60 гаруй мөсний шагай харваач оролцож талын болон цуваа харваа төрлөөр хурд хүч, мэргэнээ сорьж байна. Мөсний шагайн харвааны бай хүртлэх зам 90-95 метрт байдаг ажээ. 

     Нээлтийн үеэр Орхон аймгаас Б.Батмөнх, Б.Ламши, Ч.Цогтирээдүй нар мөсний харваан улсын шүүгчийн үнэмлэх тэмдэгээ гардан авсан бол, Ө.Батцэрэн Г.Мягмарсүрэн нар мөсний шагайн харваан аймгийн мэргэн цол хүртэж тэмдгээ гардан авлаа. 

     Орхон аймаг өвлийн  спортыг хөгжүүлэх, сурталчилах зорилгоор аймгийн хэмжээнд  “Өвлийн спортыг хөгжүүлэх” хөтөлбөрийг батлуулан хэрэгжүүлж байгаа. Хөтөлбөрийн хүрээнд энэ жил “Эрдэнэт Мөнгөн өвөл – 2022” аяныг зохион байгуулж байгаа юм.  Тус аян нь өвлийн спортыг хүүхэд залуучууд, иргэдэд сурталчлах зорилготой бөгөөд гүйлтийн цана, биатлон, тэшүүр зэрэг өвлийн спортын олон төрлөөр тэмцээн уралдаан зохион байгуулагдана. 

Мэдээллийн төв